29 янв 10:41
Янгиликлар

Бокс/ММА

Паркер Тайсон Фьюри билан спарринг қилишдан бош тортди

Профессионал бокснинг супероғир вазн тоифасида WBO йўналиши чемпиони Жозеф Паркер собиқ жаҳон чемпиони Тайсон Фьюрининг сўровига рад жавобини берди.

Британиялик боксчи Паркерга биргаликда спарринг машғулотларини ўтказишни таклиф қилганди. Жозеф айни пайтда Энтони Жошуага қарши ўтказиладиган бирлаштирувчи чемпионлик жангига тайёргарлик кўряпти.

“Фьюри - яхши инсон, лекин унга ҳурматимни сақлаган ҳолда шуни айтишим керакки, унинг жанг олиб бориш услуби меникига тўғри келмайди. Мен доимий равишда ҳужумга борадиган боксчилар билан машғулот ўтказишни афзал биламан”, - деди Паркер.

Эслатиб ўтамиз, WBA, IBO ва IBF йўналишлари чемпиони Энтони Жошуа ҳамда WBO чемпионлик камари соҳиби Жозеф Паркер ўртасидаги бирлаштирувчи чемпионлик жанги 31 март куни Уэльс пойтазти Кардифф шаҳридаги “Миллэниум” стадионида бўлиб ўтади.