17 дек 17:52
Янгиликлар

Бокс/ММА

Пауло Коста UFC 326 турнирида октагонга чиқади

Ўрта вазн тоифасида чемпионлик камари учун собиқ даъвогар Пауло Костанинг навбатдаги жанги тафсилотлари маълум бўлди.

Бразилиялик аралаш яккакураш устаси 7 март куни АҚШнинг Лас-Вегас шаҳрида бўлиб ўтадиган UFC 326 турнирида "қафас"га қайтади. У ҳамюрти Бруно Феррейрага қарши жанг ўтказади.

Пауло Коста июль ойида россиялик Роман Копилов устидан ҳакамларнинг якдил қарори билан ғалаба қозониб, икки мағлубиятдан иборат сериясини ёпганди. Бруно Феррейра эса учта ғалабали серия билан келмоқда. У декабрь ойида Марвин Ветторидан очколар ҳисобига кўра устун келганди.

Айни пайтда Пауло Коста UFC’нинг ўрта вазн тоифаси рейтингида ўн учинчи ўринни эгаллаб турибди. Бруно Феррейра эса ҳозирча Топ-15`таликка кирмаган.