"Пахтакор" "Эвертон" ва "Монако"да ўйнаган футболчининг трансферидан воз кечди

Championat.asia сайтининг маълумотларига кўра, "Пахтакор" ивуарлик Ласина Траоренинг хизматларига қизиқиш билдирган. Бироқ якунда барчаси ўрганилган ҳолда унинг трансферини амалша оширмасликни лозим топишган. Бизга маълум бўлишича жамоа футболчининг номига эмас унинг сўнгги йиллардаги ўйинига ва ҳаракатларига кўпроқ эътибор қаратишни маъқул кўрган.

Маълумот ўрнида таъкидлаш жоиз, Ласина Траоре футболчилик фаолияти давомида шу кунга қадар "Стад Абиджан", (Кот-д’Ивуар), ЧФР (Руминия), "Кубань", "Анжи" (Россия), "Монако" (Франция), "Эвертон" (Англия), ЦСКА (Россия), "Спортинг Хихон" (Испания), "Амьен" (Франция), "Уйпешт" (Венгрия), "Бандирмаспор" (Туркия) каби жамоаларда тўп тепган. Унинг сўнгги жамоаларидаги статистикаси эса ҳавас қиладиган даражада эмас. Ўзи ўйнаган сўнгги бешта жамоада умумий ҳисобда еттита гол урган.

Кот-д’Ивуар миллий терма жамоасида 2012-2015 йилларда 13та ўйин ўтказган ва 4та гол урган.