“Пахтакор” “Локомотив”га илк мағлубиятни тақдим этди, “Бунёдкор”да дуранг

Пойтахт дербисида амалдаги чемпион “Пахтакор” бу йилги чемпионлик учун курашаётган “Локомотив”ни қабул қилди ва пешқадамга мавсумдаги илк мағлубиятни тақдим этди.

Ўйиннинг 24-дақиқасида Жалолиддин Машарипов ҳисобни очди. Орадан икки дақиқа ўтиб, айнан Машарипов ўз дублини нишонлади. 42-дақиқада тўп қарши ҳужумни Санжар Шоаҳмедов гол билан якунлади. Учрашувда бошқа ҳисоб ўзгармади.

Куннинг яна бир қизиқарли ўйини Бухорода бўлиб ўтди. Унда майдон эгалари чемпионлик учун курашаётган яна бир жамоа “Бунёдкор” билан муносабатларига ойдинлик киритиб олишди. Учрашувда ҳисоб очилмади.

“ПАХТАКОР” – “ЛОКОМОТИВ” - 2:1 (2:1)

28 сентябрь. Тошкент. “Пахтакор” стадиони.

Голлар: Машарипов, 24 - 1:0. Машарипов, 26 - 2:0. Шоаҳмедов, 42 - 2:1.

“Пахтакор”: Лобанов, Андреев, Тожиев, Ораховац, Ҳошимов, А.Аҳмедов, Исматуллаев, Соҳибов, Машарипов (Толипов, 90), Искандеров (Отахонов, 90+3), Ҳакимов (Болтабоев, 60).

“Локомотив”: Нестеров, Зотеев, Махарадзе, Яничич, Тўхтахўжаев, Кападзе (Геворкян, 59), Алибоев, Жепаров (Нагаев, 85), Мирзаев, Шоаҳмедов, Бикмаев (Абдухолиқов, 50).

Ҳакамлар: Р.Эрматов, А.Расулов, Ж.Саидов.

Огоҳлантиришлар: А.Аҳмедов, 15. Кападзе, 28. Ораховац, 28. Махарадзе, 70. Ҳошимов, 76. Андреев, 90+1. Лобанов, 90+4.