“Пахтакор”нинг еттинчи мағлубияти, “Локомотив” ва “Насаф”дан ғалаба

Амалдаги мамлакат чемпиони “Пахтакор” Бекободда “Металлург” клуби меҳмони бўлиб, 0:2 ҳисобида имкониятни бой берди. Бу “шерлар”нинг чемпионатдаги еттинчи мағлубияти бўлди.

Тошкентнинг “Локомотив” клуби ўз майдонида Ғузорнинг “Шўртан” жамоаси дарвозасига жавобсиз 3та тўп киритди. Қаршининг “Насаф” жамоаси эса “Бухоро”дан худди шу хисобда устун келди. Кутилмаганда “Нефтчи” ўз мухлислари кўз ўнгида “Машъал” жамоасига 1:2 ҳисобида ютқазди.

Турнир жадвалида “Локомотив” 52 очко билан пешқадамлик қиляпти. “Насаф” 46 очко билан иккинчи ўринга кўтарилиб олди. Бугун пойтахт дербисида “Обод”ни қабул қиладиган “Бунёдкор” 44 очко билан учинчи поғонадан жой олган. “Қалдирғочлар” иккита кам ўйин ўтказишган. “Пахтакор” эса 29 очко билан еттинчи ўринни банд этган.

“Металлург” (Бекобод) – “Пахтакор” (Тошкент) 2:0

Гол: Муроджон Тошматов 24, - 1:0, Ислом Қобилов 69, - 2:0

“Пахтакор”: Александр Лобанов, Аднан Ораховац (Тимур Толипов, 77), Акбар Исматуллаев, Азимжон Аҳмедов, Жалолиддин Машарипов, Жамшид Искандаров, Жамшид Болтабоев (Акобир Тўраев, 89), Камолиддин Тожиев, Даврон Ҳошимов, Станислав Андреев, Жасурбек Хакимов (Андрей Сидоров, 46).

Огоҳлантиришлар: Камолиддин Тожиев (36), Азимжон Аҳмедов (54), Андрей Сидоров (63).

Четлатиш: Анвар Рашидов (“Пахтакор” мураббийи, 64).

“Нефтчи” (Фарғона) – “Машъал” (Муборак) 1:2

Голлар: Ҳумоюн Муртазоев 31, - 0:1, Кенжа Тўраев 33, - 0:2, Мансур Саидов 88, - 1:2.

“Навбаҳор” (Наманган) – “Олмалиқ” (Олмалиқ) 3:3

Гол: Хуршид Мухторов 7, - 0:1, Муҳаммад Исаев 27, - 0:2, Абдумалик Абдуллаев 47, - 1:2. Ислом Исоқжонов 48, - 2:2. Арслонмурод Омонов 50, - 2:3, Алишер Маҳмудов 72, - 3:3.

“Қизилқум” (Навоий) – “Қўқон-1912” (Қўқон) 1:1

Голлар: Илҳом Юнусов 19 пенальти, - 1:0. Носир Отақўзиев 65, - 1:1

“Локомотив” (Тошкент) – “Шўртан” (Ғузор) 3:0

Голлар: Сардор Мирзаев 47, - 1:0, Темур Кападзе 69, - 2:0, Марат Бикмаев 78, - 3:0.

“Локомотив”: Игнатий Нестеров, Кахи Махарадзе, Темурхўжа Абдухолиқов (Марат Бикмаев, 73), Неманья Яничич, Сардор Мирзаев, Салим Мустафоев, Темур Кападзе, Санжар Шоаҳмедов, Икром Алибоев (Сервер Жепаров, 46), Шерзод Файзиев, Артур Геворкян.

“Сўғдиёна” (Жиззах) – “Андижон” (Андижон) 1:0

Гол: Қаҳрамон Баҳодиров 65, - 1:0

“Насаф” (Қарши) – “Бухоро” (Бухоро) 3:0

Голлар: Шаҳбоз Эркинов 10, - 1:0, Фаррух Сайфиев 36, - 2:0, Драган Черан 75, - 3:0