Педро Мартинес Сантьягода бош соврин соҳибига айланди

Chile Dove Men+Care Open мусобақасининг ҳал қилувчи финал учрашувида дунёнинг 72-ракеткаси бўлиб турган испаниялик Педро Мартинес рейтингда ўзидан 6 поғона пастда бораётган аргентиналик Себастьян Баесга қарши кортга чиқди. 

Икки соату 48 дақиқа давом этган баҳсда Мартинес рақибини 4/6, 6/4, 6/4 ҳисобида мағлубиятга учратди. 24 ёшли Педро 1 та эйс, 5 та брейк-пойнт, 21 яшар Баес эса 2 та эйс ва 4 та брейкни амалга оширди. Теннисчиларнинг ўзаро учрашувларидаги ҳисоб мувозанати тиканди - 1:1.

Chile Dove Men+Care Open турниридаги муваффақиятли иштирок Педро Мартинесга 250 рейтинг очкоси ҳамда 51,045 доллар мукофот пули келтирди.