Пенчак Силат: Осиё ўйинларига тайёргарлик бошланди

Унда қитъамизнинг барча давлатларидан спортчилар 42-спорт тури бўйича мусобақаларда иштирок этишади. Албатта бу Осиё олимпиясида ушбу давлат миллий спорт тури пенчак силат ҳам дастурдан ўрин эгаллаган. Қувонарлиси ушбу мусобақада Ўзбекистон Пенчак силат терма жамоаси ҳам иштирок этади. Айни вақтда биринчилардан бўлиб ушбу федерация келгуси йилнинг йирик спорт турнирларидан бирига тайёргарликни бошлаб юборди. Федерация тайёргарликни кучайтириш мақсадида Индонезиядан ҳалқаро спорт устаси Харун Зенни юртимизга таклиф этди. Айни вақтда Харун Зен Тошкент шаҳри, Фарғона, Сурҳондарё ва Самарқанд вилоятларида терма  жамоага номзодларни саралаб, биринчи машғулотларни ўтказмоқда. Албатта ҳар тўрт йилда бир маротаба ўтадиган ушбу мусобақада ўзбекистонлик Пенчак силатчилар муносиб иштирок этиб, совриндорлар қаторидан ўрин эгаллайди деган умиддамиз.