Перу ЖЧ-2018 йўлланмасидан маҳрум қилиниши мумкин

Бу ҳақда Перунинг Libero нашри хабар тарқатди. Хабарда айтилишича, Перу ҳукумати мамлакат футбол федерациясининг ишларига аралаша бошлаган. Ҳукумат федерациянинг спорт Давлат Институтининг бир бўлаги бўлишига чақирган.

Маълумки, ФИФА ҳукуматнинг ҳар қандай ҳолатдаги федерация ишларига аралашувини кескин қоралайди. Қувайт давлатининг турли ёшдаги терма жамоалари айнан шундай сабаб билан ФИФА байроғи остида ўтказиладиган барча нуфуздаги мусобақалардан четлатилган.

Ҳозирнинг ўзида ФИФА Перу ҳукуматини огоҳлантириб, бу масала юзасидан тушунтириш беришга чақирди. Агар вазият федерация фойдасига ўзгартирилмаса, Перу терма жамоасидан ЖЧ-2018 чиптаси олиб қўйилади.

Маълумот учун, Перу терма жамоаси 36 йиллик танаффусдан сўнг ЖЧ йўлланмасини қўлга киритганди. Перу четлатилса, у ҳолда сўнгги йўлланма Италия терма жамоасига тақдим этилади.