20 май 11:37
Янгиликлар
Футбол
Пирло илк мураббийлик мавсумида 2-совринини ютди
"Ювентус" Италия кубоги финалида "Аталанта"дан устун келди.
Бу туринликлар бош мураббийи Андреа Пирло учун мураббийлик фаолиятидаги иккинчи соврин бўлди. У жамоани 2020 йилнинг августидан буён бошқариб келмоқда.
"Юве" 42 ёшли мураббий қўл остида шу йил январда "Наполи"ни мағлубиятга учратиб, Италия Суперкубоги ғолибига айланганди.
Пирло футболчи сифатида икки маротаба Италия кубогини қўлга киритган ("Милан" билан 2003 йилда, "Ювентус" билан 2015 йилда).
Эслатиб ўтамиз, бу Пирло учун мураббийлик соҳасидаги илк мавсум ҳисобланади.
Ҳавола :
Манба : football-italia.net
Фикрлар