06 дек 11:15
Янгиликлар

Бокс/ММА

Поветкин - Хаммер жанги ғолиби Жошуа билан жанг қилиши мумкин

Таниқли промоутер Эдди Хирн россиялик Александр Поветкин ҳамда Кристиан Хаммер ўртасидаги жанг ғолиби IBF, IBO ва WBA йўналишлари чемпиони Энтони Жошуага қарши рингга кўтарилиши мумкинлигини айтди.

“Мен яқин кунларда Буюк Британияга ташриф буюрадиган WBA ташкилоти президенти Хилберто Мендоса билан учрашаман. Шу кунгача Жошуанинг чемпионлик камарига Луис Ортис даъвогар эди. Лекин бу боксчи дисквалификацияга учради.

Энди унинг ўрнига янги даъвогарни эълон қилиш керак. Айнан Александр Поветкин ва Кристиан Хаммер ўртасидаги жанг ғолиби Жошуанинг чемпионлик камарига расмий даъвогарга айланиши лозим”, - деди Хирн Sky Sports нашрига берган интервьюсида.

Эслатиб ўтамиз, Поветкин - Хаммер жанги 15 декабрь куни Россиянинг Екатеринбург шаҳрида бўлиб ўтади.