27 июн 09:07
Янгиликлар

Бокс/ММА

Проф бокс. Ўзбекистон чемпионатида икки ярим финалчи маълум

Профессионал бокс бўйича Ўзбекистон чемпионатининг икки вазн тоифасида чорак финал жанглари ўтказилди.

Бу ҳақда Ўзбекистон профессионал бокс федерацияси матбуот хизмати хабар бермоқда. Ўзбекистон давлат жисмоний тарбия ва спорт универститетининг бокс мажмуасида чемпионлик камари учун ярим финал босқичига чиқиш йўлидаги қолдирилган икки жанг бўлиб ўтди.

Унда 53 кг вазн тоифасида Олим Назаров (Тошкен шаҳри) Асадбек Маликов (Ангрен шаҳри) билан, 69 кг вазнда эса Жавоҳир Фозилов ангренлик Ислом Ғоиповга қарши ринга кўтарилди.

АҚШ рингларида тобланган тажрибали Олим Назаровга қарши жанг олиб борган Асадбек Маликов ўзининг чиройли ҳаракатлари билан ёдда қолди. Лекин тажриба барибир ўз сўзини айтди ва якунда Назаров ярим финал йўлланмасини қўлга киритди. Жавоҳир Фозилов эса рақибига имкониятни бой бериб қўйди.