Профессионал боксчимиз Назаров Вьетнамда ҳимоя жангини ўтказди

Бу сафар ҳамюртимизга таиландлик Саиват Буадкраток рақиблик қилди.

8 раундга мўлжалланган жанг тўлиқ давом этди. Жанг якунига кўра ҳамюртимиз очколар ҳисобига кўра ғалаба қозонди ва ўтаенгил вазн тоифасида ўзининг WBO Oriental камарини ҳимоя қилди. 

Қайд этиш лозимки, Назаров айни пайтда ўз вазн тоифасида (-50,80 кг) WBO йўналишида 14-ўринни эгаллаб турибди. 

Бу Олимжон учун проф рингдаги 25-жанг эди. Бугунги жангда у фаолиятидаги 20-ғалабасини қўлга киритди (11 та нокаут). 5 маротаба мағлуб бўлган. Таиландлик боксчининг ўтказган жанглари сони эса 34 тага етди. У бунгача 32 маротаба ғалаба қозонган (20 та нокаут). Олимжонга қарши жангда эса у фаолиятидаги иккинчи мағлубиятини қабул қилиб олди.