ПСЖ ва Доннарумма трансфер бўйича келишувга эришди

Бу ҳақда Фабрицио Романо хабар бермоқда. Томонлар юзаки келишувга эришдилар.

Қайд этиш керакки, юристлар 2026 йилнинг июнига қадар мўлжалланган шартнома бўйича ишлашмоқда. Дарвозабон яқин кунларда тиббий кўрикдан ўтади.

Доннарумма ўтган мавсум "Милан" сафида 48та ўйинда майдонга тушиб, ўз дарвозасидан 54та тўп олиб чиқди ва 15 бор "қуруқ ўйин" ўтказди. Унинг клуб билан шартномаси 30 июнда якунига етади, томонлар битимни узайтириш бўйича келиша олишмади ва у эркин агент мақомида кетмоқда.