Пскентда спорт автомобиллари мусобақаси ўтказиляпти+ФОТО

Ушбу мусобақа спортнинг техник ва амалий турлари бўйича спорт ва оммавий жисмоний тарбия тадбирларининг 2018 йилга мўлжалланган тақвим режасига асосан ташкил этиляпти. 

- Мусобақа олдидан спортчиларнинг рухий тайёрлиги ва ғалабага бўлган истаги юқори бўлиши билан бирга автомобиллари ҳам техник шай ҳолатда бўлиши энг асосий омиллардан бири, - деди мусобақа бош ҳаками Барис Лешик.

Ўзбекистон кубогида Самарқанд, Жиззах, Бухоро, Андижон, Фарғона, Сирдарё, Тошкент вилоятлари ва Тошкент шаҳрининг 10 та клубидан жамоалар иштирок этишмоқда. 

Бугун “NU”, “А-8”  русумдаги двигатель сиғими 1600 ҳажм куб ва “А-9” русумли автомобиллар пойгасида ғолиб ва совриндорлар аниқланади. 

- Мусобақа қойдасига кўра спортчилар бир айланаси 4 километрдан иборат бўлган халқа трассани 15 маротаба (60 километр) айланиб ўтишлари керак. Кубок баҳсларида ғолиблик учун даъвогар спортчилар кўп. Бу эса мусобақаларни томоша қилиш учун келаётган автоқизиқувчиларга ҳаяжонли дақиқаларпни тортиқ этади деб ўйлайман, - деди мусобақа бош котиби, миллий тоифадаги ҳакам Бекзод Аҳмедов.