22 июл 18:10
Янгиликлар

Бокс/ММА

Пётр Ян чемпион Фигейредонинг "вызов"га чиройли "ответ" қилди

Янги UFC чемпиони Пётр Ян энг енгил вазнда ташкилотнинг янги чемпиони Дейвисон Фигейредонинг чорловига жавоб қайтарди.

Фигейредо шу ҳафта "Жанглар ороли"да ўтказилган UFC турнирида бразилиялик Жозеф Бенавидесни мағлубиятга учратган ва чемпионлик камарини қўлга киритган эди. Ўша жангдан сўнг у Пётр Янни октагонга чорлаганди.

"Нима ҳам дердим. Майли, шуни истаётган бўлса, битта юқори вазнга кўтарилсин. Рўйхатимдаги мағлубият аламини тотиб кўрган бразилиялик жангчилар сони яна биттага кўпаярканда!", — деди Ян.

Эслатиб ўтамиз, Пётр Ян ММАда ўтказган 16 та жангидан 15 тасида ғалаба қозонган. Фигейредо эса 20 та жангнинг 19 тасини ўз фойдасига ҳал қилган. Ҳар иккисида ҳам биттадан мағлубият бор.