Пётр Ян: Стерлинг UFC учун қизиқ эмас, менга ҳам!

Россиялик чемпион бразилиялик собиқ жаҳон чемпиони Жозе Альдони мағлубиятга учратганидан кейин ўтказилган матбуот анжуманида Яннинг эҳтимоллий рақиби сифатида Алжамейн Стерлинг айтилган эди. 

"Менга ҳар томонлама яхши ва қизиқарли жанг керак. Дэйна Уайтдан сўнгги матбуот анжуманида Стерлинг ҳақида сўрашган эди. UFC президенти бу саволга узоқ вақт сукут сақлаб жавоб берганди. Афтидан ташкилотга Ян - Стерлинг жанги қизиқ эмас. Табиийки, менга ҳам. Уларда янада яхшироқ вариантлар бор: Гарбрандт, Сехудо...

Ўйлайманки, менга кучли ва муносиб рақиб беришади. Ҳа, Стерлинг ҳам қайсидир маънода чемпионлик жанги учун кўп ҳаракат қилди. Шахсан мен исталган рақиб билан жанг қилишга тайёрман. Режа бўйича декабрь ойида илк ҳимоя жангимни ўтказаман. Ҳозир ҳеч қаерга шошилмайман", - деди Ян.