UZ

Сўнгги янгиликлар

20:46“Great Silk way-2024”. Боксчиларимиз турнирни умумжамоа ҳисобида биринчи ўринда якунлашди 0 19:50Дана Уайт Конор Макгрегорнинг камчилиги ҳақида гапирди 0 19:28Оливейра нима учун Царукян билан жангга рози бўлганини айтди 0 19:06Хавининг дисквалификацияси бўйича апелляция рад этилди 0 18:45Жаҳонгир Нажмиддиновнинг Анвар Азизли билан жанги бўйича берилган апеллация натижаси қандай бўлди? 0 18:23Новак Жокович грунт мавсумга тайёргарликни бошлади 0 18:02Оливейра Царукянга маслаҳат берди 0 17:41Хави «Барселона»да қолиши мумкин, бироқ бош мураббий сифатида эмас 0 17:18Дзюдо. Анталия "Катта Дубулға" турнирига қуръа ташланди, ҳамюртларимизнинг илк рақиблари билан танишинг 0 16:58Нигина Абдураимова Словенияда чорак финалга чиқди 0 16:37Адесанья UFC 305 турнирининг марказий жангида октагонга кўтарилиши мумкин 0 16:16Месси: "ЖЧ-2022да ғолиб бўлмаганимизда, мен терма жамоадан кетардим" 0 15:54Жасур Алижанов МPL 9 нинг санаси ва манзилини очиқлади 0 15:32Тошкентда шахмат бўйича "Георгий Агзамов хотира турнири" старт олди 0 15:11UFC россиялик аралаш яккакураш усталари ўртасидаги қизиқарли жангни эълон қилди 0

21 июл 15:40
Янгиликлар

Бошқалар

ҚАБУЛ-2020: Ўзбекистон давлат жисмоний тарбия ва спорт университетига қанча абитуриент ҳужжат топширди?

Теглар :  Университет
2020-2021-ўқув йили учун абитуриентларни рўйхатга олиш якунланди.

Хабарингиз бор, Жорий йилда ҳужжатлар ДТМ сайтида, Давлат хизматлари марказлари ва Ягона интерактив давлат хизматлари портали орқали 20 июндан 20 июлгача, 24/7 режимида онлайн қабул қилинди.

Қайси йўналишларга ҳужжат қабул қилинди ва қабул учун қанча квота ажратилган?

Ўзбекистон давлат жисмоний тарбия ва спорт университетида 2020-2021 ўқув йили учун еттита йўналишга ҳужжат қабул қилинди. Булар:

– Мактабгача ва бошланғич таълимда жисмоний тарбия ва спорт;

– Психология (спорт);

– Менежмент (жисмоний тарбия ва спорт менежменти);

– Менежмент (спорт тадбирларини ташкил этиш ва бошқариш);

– Маркетинг (спорт);

– Спорт фаолияти (волейбол, баскетбол, бадминтон, гандбол, теннис, стол тенниси, регби, кураш, белбоғли кураш, сузиш, эшкак эшиш, синхрон сузиш, оғир атлетика, от спорти, велоспорт, енгил атлетика, триатлон, биатлон, дзюдо, каратэ ВКФ, самбо, эркин кураш, юнон-рум кураши, бокс, таэквондо WТF, қиличбозлик, спорт гимнастикаси, бадиий гимнастика, футбол, хоккей, тоғ - чанғи спорти, шахмат).

Шу жумладан, хотин-қизлар спортини ривожлантириш йўналиши бўйича.

Ўзбекистон давлат жисмоний тарбия ва спорт университетига
 2020-2021 ўқув йили учун кундузги бўлимга 1 125 нафар, сиртқи бўлимга эса 600 нафар талаба қабул қилинади. Яна бир эътиборга молик жиҳат, сиртқи бўлимга ҳужжат топширишда абитуриентлардан маълум муддатли меҳнат стажи талаб қилинмади.


Жорий йилда қанча абитуриент ҳужжат топширди?

Жорий йилда Ўзбекистон давлат жисмоний тарбия ва спорт университетига жами 19 407 (кундузги бўлимга 12415 нафар, сиртқи бўлимга 6992 нафар) нафар абитуриент ҳужжат топширди. Агар ўтган йил билан солиштирадиган бўлсак, 2019-2020 ўқув йили учун 9134 (кундузги бўлимга
 5 735 нафар, сиртқи бўлимга 3 399 нафар) нафар абитуриент ҳужжат топшириб, ўз омадини синаб кўрган.


Янги йўналишлар ҳақида:

2020-2021 ўқув йилидан эътиборан Ўзбекистон давлат жисмоний тарбия ва спорт университетида янги – 5 та спорт фаолияти (стол тенниси, регби, каратэ ВКФ, тоғ-чанғи спорти, шахмат) йўналиши очилмоқда. Мазкур йўналишлар учун ажратилган квоталарга келсак, кундузги таълим шаклига: стол тенниси гуруҳига 12 та талаба (шундан 8 таси ўзбек гуруҳига, 4 таси рус гуруҳига), регби гуруҳига 15 та талаба (шундан 10 таси ўзбек гуруҳига, 5 таси рус гуруҳига),  каратэ ВКФ гуруҳига 20 та талаба (шундан 15 таси ўзбек гуруҳига, 5 таси рус гуруҳига),  тоғ- чанғиси гуруҳига 10 та талаба (шундан 6 таси ўзбек гуруҳига, 4 таси рус гуруҳига), шахмат гуруҳига 12 та талаба (шундан 8 таси ўзбек гуруҳига, 4 таси рус гуруҳига) қабул қилинади. 

Сиртқи таълим шаклига: стол тенниси гуруҳига 10 та талаба (шундан
 5 таси ўзбек гуруҳига, 5 таси рус гуруҳига), каратэ ВКФ гуруҳига 20 та талаба (шундан 15 таси ўзбек гуруҳига, 5 таси рус гуруҳига),  тоғ-чанғиси гуруҳига 5 та талаба (шундан 3 таси ўзбек гуруҳига, 2 таси рус гуруҳига), шахмат гуруҳига 10 та талаба (шундан 5 таси ўзбек гуруҳига, 5 таси рус гуруҳига) қабул қилинади, регби гуруҳига қабул назарда тутилмаган.  


Имтиҳонлар қандай бўлади?

Карантин сабабли спорт фаолияти турлари бўйича касбий (ижодий) имтиҳонлар соддалаштирилди. Хусусан олдинги йиллари 3 блокда (МТТ, УМЖ ва сузиш) спорт туридан касбий (ижодий) имтиҳон қабул қилинар эди.

Жорий йилда эса  касбий (ижодий) имтиҳонлар 2 та блокда амалга оширилади. Сузиш бўйича касбий (ижодий) имтиҳон олиб ташланди. Фақат махсус техник тайёргарлик (96 балл) ва умумий жисмоний тайёргарлик
 (93 балл) бўйича касбий (ижодий) имтиҳонлар қабул қилинади.

Тест синовлари мавжуд бўлган 4 та таълим йўналишларида кундузги таълим шакли бўйича 5230200 – Менежмент (жисмоний тарбия ва спорт менежменти)”, 5230200 – Менежмент (спорт тадбирларини ташкил этиш ва бошқариш), 5230400 – Маркетинг (спорт маркетинги)  йўналишларида имтиҳонлар  1 – блок  Математика ва 2 – блок Чет тили ҳамда
 5210200 - Психология (спорт) таълим йўналишлари бўйича эса 1 - блок биология, 2 - блок она тили (рус тили) фанларидан тест бўлади.


ЎзДЖТСУ матбуот хизмати

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг