Қаршида дзюдо бўйича "Олимпия чўққилари" чемпионатига старт берилди

Мусобақада республикамиздаги Олимпия захиралари коллежларида тарбияланаётган, 2004-2005 ҳамда 2006  йилларда туғилган 140 нафар ёш дзюдо усталари иштирок этишмоқда.

"Олимпия чўққилари" дан жой олган мазкур чемпионатнинг регламентига мувофиқ, бугун  42, 46, 50, 55 ва 60 кг. вазн тоифаларида ғолиблар номи аниқланса, эртага, 19 март куни 66, 73, 81, 90 ҳамда +90 кг. вазн тоифаларида кучлилар сараланади. Бугун шунингдек, мусобақанинг тантанали очилиш маросими ҳам ўтказилди.

Мусобақани ўтказишдан бош мақсад - олимпия захиралари коллежларида спорт захираси ва малакали спортчиларни тайёрлаш тизимини доимий равишда мувофиқлаштириб бориш, Олимпия ўйинларига муносиб иштирок этадиган иқтидорли спортчиларни танлаб олиш ҳамда Ўзбекистон ёшлар терма жамоалари учун захира тайёрлаш назарда тутилган. 

Илҳом РАҲМОНОВ Қарши шаҳридан тайёрлади