Қаршида ўтган Ўзбекистон чемпионатида пойтахтлик ёш футболчилар биринчи бўлишди + ФОТО

Чемпионатда Қорақалпоғистон Республикаси, вилоятлар ва Тошкент шаҳри терма жамоалари иштирок этишди.

Тўрт кун давом этган мусобақанинг финал босқичига Тошкент шаҳри жамоаси ва мезболар етиб келишди. Финал учрашувида пойтахтлик ёш футболчилар қаршилик тенгқурларини 4:2 ҳисобида мағлуб этиб, фахрли биринчи ўринни эгаллашди. Қаршилик футболчилар кумуш медалларни қўлга киритишган бўлса, чемпионатнинг иккита учинчи ўрни Фарғона ва Тошкент вилояти жамоаларига насиб этди.  

Шунингдек, мусобақа якунига кўра, турли номинациялар бўйича ҳам энг яхши футболчилар аниқланди. Унга кўра, мусобоқанинг “Энг умидли ўйинчиси” Тошкент вилояти терма жамоаси аъзоси Саидқодир Ботирхўжаевга,  “Энг яхши дарвозабон” Тошкент шаҳри терма жамоаси посбони Иброҳим Шокировга, “Мусобоқа тўпурари” Фарғона вилояти терма жамоаси футболчиси Акобир Мўминовга, “Мусобоқанинг энг яхши ўйинчиси” Қашқадарё вилояти терма жамоаси аъзоси Сардор Кенжаевга насиб этди.

Мусобақанинг тақдирлаш маросимида Ўзбекистон футбол ассоциацияси вакиллари, "Насаф" футбол клуби бош мураббийи Рўзиқул Бердиев, “Насаф” жамоаси дарвозабони Умиджон Эргашев, шу клуб ҳимоячиси Шерзод Насруллаев ҳамда жамоа легионери Марко Станоевичлар иштирок этиб, ғолиб ва совриндор жамоаларни қутлашди.

Шавкат РЎЗИЕВ, Қашқадарё вилояти футбол маҳорат мактабининг маънавият-маърифат ишлари бўйича директор ўринбосари