Қаторасига иккинчи бор умумжамоа ҳисобида Осиё биринчи бўлдик!

Ҳозиргина эркаклар ўртасидаги энг сўнгги вазн тоифасидаги финал жанги якунланди. Ушбу жанг Ўзбекистон ва Қозоғистон боксчиларининг ўзаро ҳисоб-китобида ҳам муҳим аҳамият касб этарди. Жалолов Камшибекни мағлуб этиш билан бирга Ўзбекистон терма жамоасининг умумжамоа ҳисобида яққол устунлик билан биринчи ўринни эгаллашини таъминлади.

Ўнта вазн тоифасидан 4 тасида олтин медални қўлга киритган жамоамиз медаллар сифати бўйича Қозоғистондан ўзиб кетди. Чарм қўлқоп усталаримиз яна биттадан кумуш ва бронза медалларига ҳам эга чиқишди. Санжар Турсунов (-91 кг) кумуш, Шукуржон Раҳимов (-60 кг) бронза медалига сазовор бўлди.

Олтин медал эгалари:

-49 кг:  Нодиржон Мирзаҳмедов

-56 кг: Миразизбек Мирзаҳалилов

-69 кг: Бобо Усмон Батуров

+91 кг: Баҳодир Жалолов

Кумуш медал эгаси:

-91 кг: Санжар Турсунов

Бронза медал эгаси:

-60 кг: Шукуржон Раҳимов