Қўл жанги бўйича Ўзбекистон чемпионати бўлиб ўтади

Ўзбекистон чемпионати 10-11 ва 12-13 ёшли ўғил болалар, 14-15 ёшдаги қизлар ўртасида ташкил этиляпти. Айнан мана шу турнир якунига кўра, Ўзбекистон терма жамоаси таркиби шакллантирилади. Мамлакат чемпионатида Тошкент шаҳри ҳамда барча вилоятлардан 700 нафарга яқин спортчи медаллар учун баҳсларга киришади. Мусобақа доирасида 18 ёшдан катталар ўртасида 60 ҳамда 80 кг вазн тоифасида профессионал жанглар ҳам ўтказилади.

Маълумот учун, ўтган йили Руминиянинг Бухарест шаҳрида бўлиб ўтган Жаҳон чемпионатида кичик ёшдаги қўл жанги усталаримиз 15 та олтин медални қўлга киритган ҳолда умумжамоа ҳисобида биринчи ўринни эгаллашган эди.