02 сен 10:35
Янгиликлар
Бокс/ММА
Қозоғистон терма жамоаси бош мураббийи Шаҳрамга тан берди
Бокс бўйича Қозоғистон терма жамоаси бош мураббийи Мирзагали Айтжанов 69 килограмм вазн тоифасидаги шогирди Абилайхан Жусуповнинг ҳамюртимиз Шаҳрам Ғиёсовдан қабул қилган мағлубиятига изоҳ берди.
Рио Олимпиадаси кумуш медали совриндори бўлган Шаҳрам Ғиёсов Гамбург шаҳри мезбонлик қилаётган жаҳон чемпионатининг ярим финалида Жусуповни мағлуб этган эди.
“Абилайхан Жусупов бор кучи билан ҳаракат қилди. Қўлидан келганича жанг ўтказди, лекин Ғиёсовнинг тажрибаси бу жангда ҳал қилувчи омил бўлди. Шаҳрамнинг устунлигини ҳам тан олиш керак.
Шунга қарамай, 20 ёшида жаҳон чемпионатининг бронза медалини қўлга киритиш, бу яхши натижа. Ўйлайманки, ҳали Шаҳрам ва Абилайхан рингда яна ўзаро тўқнаш келишади”, - деди Айтжанов.
Ҳавола :
Манба : sports.kz
Фикрлар