14 мар 18:02
Янгиликлар

Бокс/ММА

"Қозоғистонлик боксчилар ўзбеклардек кучли эмас, аммо..."

Россиялик собиқ боксчи, бугунги кунда промоутер ва шарҳловчи сифатида фаолият олиб бораётган Андрей Шкаликов интервьюларидан бирида қозоқ ва ўзбек боксчиларини таққослади.

-Ҳозирда қозоғистонлик кўплаб боксчилар профессионал рингга ўтиб кетишмоқда. Уларнинг қайси бирини алоҳида ажратиб кўрсатган бўлардингиз?

-Афсуски, ҳозирда рус телеканалларида бокс жанглари намойиши камайган. Шунингдек, ишим кўплиги сабаб ёш, истиқболли боксчиларни кузатиб, уларнинг ҳаракатларини таҳлил қила олмаяпман. Қозоғистон бокси албатта жуда кучли. Ҳозирда, ҳаваскор боксда ўзбек боксчилари олдинда. Улар Кубанинг ўрнини эгаллаб олишди. Авваллари кубаликлар Олимпия йўналишидаги боксда етакчи ҳисобланардилар. Ҳозир эса ўзбеклар бу борада биринчи. Қозоғистон техник томонлама кучли. Балки улар ўзбеклар каби кучли ва қаттиқ зарбага эга эмасдирлар, аммо... эртами кечми, вазият ўзгариши мумкин", - деди Андрей Шкаликов.