21 янв 11:35
Янгиликлар

Теннис

Қозоғистонлик теннис маликаси Australian Open турниридаги иштирокини якунлади

Дунёнинг еттинчи ракеткаси бўлиб турган Елена Рибакина учун "Катта Дубулға" туркумига кирувчи Австралия Очиқ чемпионати якунига етди.

Қозоғистонлик теннис маликаси нимчорак финалда WTA рейтингида 14-поғонада бораётган америкалик Мэдисон Кизга 3/6, 6/1, 3/6 ҳисобида имкониятни бой бериб қўйди. Киз теннисчиларнинг ўзаро учрашуви ҳисобида ҳам олдинга чиқиб олди - 3:2.

Бир соату 50 дақиқа давом этган баҳсда Рибакина 3, Киз 4 та эйс зарбасини амалга оширган. Иккала теннисчи ҳам бир хилда - 6 тадан қўшхатога йўл қўйган. Брейклар бўйича устунлик Мэдисон томонида бўлди - 5 га 4. Киз фаолиятида тўртинчи бор Australian Open 1/4 финалига чиқди. Энди у украиналик Элина Свитолинага қарши кортга чиқади.