24 фев 14:24
Янгиликлар

Футбол

Симеоне А Серия гранди билан келишувга эришди

"Атлетико" бош мураббийи Диего Симеоне "Интер" билан шахсий шартнома бўйича келишувга эришди ва у мавсум охирида жамоани бошқариши мумкин, деб хабар бермоқда El Chiringuito.

Милан клуби ва аргентиналик мутахассис ўртасидаги келишув Испания Ла Лигасининг 25-турида "Атлетико" "Эспаньол" устидан 4:2 ҳисобида ғалаба қозонгандан сўнг амалга ошди. "Интер" Симеонега бирйиллик шартнома таклиф қилишга тайёр.

Аввалроқ Симеоне ва "Атлетико" спорт директори Матеу Алемани ўртасидаги муносабатлар қишги трансфер ойнасидан кейин ёмонлашгани, клуб эса янги бош мураббий излашни бошлагани ҳақида хабар берилганди.

Симеоне 2011 йил декабрдан бери мадридликларни бошқариб келмоқда. У раҳбарлигида "матрасчилар" икки марта Испания чемпиони бўлган ва Европа Лигасини қўлга киритган.