24 фев 16:30
Янгиликлар
WTA рейтинги. Теннисчимиз 32 ўринга юқорилади, бу унинг энг яхши натижаси. Қолганларчи?
Янгиланган рейтингда Россиядан маҳаллийлаштирилган уччала теннисчимиз ҳам пастлади. Биринчи ва учинчи ракеткамиз Камила Раҳимова ҳамда Мария Тимофеева бир, иккинчи рақамли теннис маликамиз Полина Кудерметова икки поғонага ўрнини ёмонлаштирди.
Литвадан маҳаллийлаштирилган Лайма Владсон эса аксинча 32 ўринга юқорилади. Бу унинг фаолиятидаги энг юқори ўрин ҳисобланади. Милана Масленкова 3, Севиль Юлдашева 5 ўринга кўтарилди. Влада Якшибарова 2, Диана Яковлева 1 ўринга тушди. Нигина Абдураимова ўз ўрнида қолди.
Дунё теннисчиларининг Топ-10`талигида биттагина ўзгариш кузатилди. Италиялик Жасмин Паолини ва россиялик Мирра Андреева ўзаро ўрин алмашиб олишди. Рейтингда ҳамон беларуслик Арина Соболенко катта фарқ билан пешқадамлик қилмоқда. Иккинчи ўриндан польшалик Ига Свёнтек жой олган бўлса, кучли учликка қозоғистонлик Елена Рибакина якун ясаган.
WTA рейтинги. 23 февраль кунги ҳолат:
1. (1) Арина Соболенко (Беларусь) - 10 675 очко
2. (2) Ига Свёнтек (Польша) - 7 588
3. (3) Елена Рибакина (Қозоғистон) - 7 253
4. (4) Коко Гофф (АҚШ) - 6 803
5. (5) Жессика Пегула (АҚШ) - 6 768
6. (6) Аманда Анисимова (АҚШ) - 6 070
7. (8) Жасмин Паолини (Италия) - 4 047
8. (7) Мирра Андреева (Россия) - 4 001
9. (9) Элина Свитолина (Украина) - 3 845
10. (10) Виктория Мбоко (Канада) - 3 214
Ўзбекистонлик теннисчиларнинг WTA рейтингидаги ўрни:
92 (91). Камилла Раҳимова – 802
148 (146). Полина Кудерметова – 514
155 (154). Мария Тимофеева – 463
786 (818). Лайма Владсон – 42
1070 (1068). Влада Якшибарова – 16
1187 (1190). Милана Масленкова – 11
1241 (1246). Севиль Юлдашева – 9
1399 (1399). Нигина Абдураимова – 5
1484 (1483). Диана Яковлева – 3

Фикрлар