24 фев 14:45
Янгиликлар

Бокс/ММА

Бектемир Мелиқўзиев: "Сўнгги синов жанги берилганди"

Супер ўрта вазн тоифасида фаолият олиб бораётган ўзбекистонлик профессионал боксчи Бектемир Мелиқўзиев сўнгги жанги ҳақида фикр билдирди.

29 ёшли ҳамюртимиз 22 февраль тонгида ганалик Сена Агбекога қарши жанг қилиб, муддатидан аввал ғалаба қозонганди.

"Кўпчилик кўрди, жанг осон бўлмади. Рақиб ҳам яхши тайёрланганди. Менга чемпионлик жанги олдидан сўнгги синов жанги берилганди. Рингда ҳамма нарса бўлиши мумкин. Биринчи раунддаёқ рақиб ноқулай жанг қилгани туфайли кутилмаганда жароҳат олдим. Шундан кейин бош билан зарбалар ҳам жуда кўп ноқулайлик туғдирди. Шунинг учун, ўзимни тиклаб олишимга 4-5 раунд кетди. Худога шукур, охирида чиройли ғалабага эришдик", дейди Мелиқўзиев.