05 май 17:55
Янгиликлар

Дзюдо

Қозон "Катта Дубулға" турнирининг биринчи куни медалсиз якунланди

Қозон шаҳрида ўтказилаётган "Катта Дубулға" туркумига кирувчи турнирнинг биринчи куни дзюдочиларимиз учун бироз омадсиз якунланди.

Асосан ёш дзюдочилар билан Қозонга йўл олинган бўлиб, таркибимиздаги энг тажрибали вакилимиз Шарофиддин Лутфуллаев бронза медали йўлидаги ўтиш баҳсида чехиялик Давид Пулкрабекка имкониятни бой бериб қўйди. Еттинчи ўринни банд этган Лутфуллаев ўз ҳисобига 260 рейтинг очкосини қўшиб қўйди.

Шу тариқа, Қозон "Катта Дубулға" турнирининг биринчи кунги баҳслари ўзбекистонлик дзюдочилар учун якунланди. Эртага иккинчи кунги беллашувларда ўрта вазн тоифаси вакиллари татамига чиқишади.