Қудратилло Абдуқаҳҳоров: “Жангим 18 ноябрь куни Андижонда ўтказилади, рақиб маълум”

Аслида ҳамюртимиз шу ойида АҚШ заминидаги илк жангини ўтказиши керак эди.

“Афсуски, виза муддатини ўз вақтида узайтира олмаганимиз сабабли Ўзбекистонга қайтиб келдик. Мен билан бирга Азизбек Абдуғофуров ҳам қайтди. Энди 18 ноябрь куни иккимиз ҳам Андижонда ташкил этиладиган профессионал бокс кечасида рингга чиқамиз.

Менинг рақибим маълум бўлган. У ўзбекистонлик боксчи Шерзод Алимжоновдир. Бу иккимиз учун ҳам рейтинг жанги бўлади. Азизбекнинг рақиби россиялик боксчи бўлиши керак эди. Лекин бизга айтишларича, россияликнинг мураббийлари режани ўзгартиришган.

Насиб қилса, декабрь ойида яна АҚШга жўнаб кетаман. Режага кўра, январь ойида жаҳон чемпионлик камари учун рингга кўтариламан. Ҳозир энг нуфузли ҳисобланган WBC йўналиши рейтингида 5-ўринни эгаллаб турибман”, - деди сайтимизга берган интервьюсида Абдуқаҳҳоров.