Қутлуғ 60 ёшингиз муборак, Шавкат Миромонович!

Ҳурматли Юртбошимиз бугун қутлуғ 60 ёшга тўлдилар. Шу муносабат билан сайтимиз ижодкорлари ва барча ўқувчилари номидан Шавкат Миромоновични бугунги қутлуғ сана билан чин юракдан муборакбод этамиз. Илоҳим, халқингиз бахтига ҳамиша соғ ва саломат бўлинг!

Эл-юрт равнақи йўлида олиб бораётган оқилона ва доно сиёсатингиз туфайли Ўзбекистон янада гуллаб-яшнасин, дунёнинг етакчи давлатлари орасида ўз ўрни ва мавқейига эга бўлиб бораверсин!

Маълумот учун, Шавкат Миромонович Мирзиёевнинг номзоди ўтган йилнинг 19 октябрь куни Ўзбекистон Либерал-демократик партияси томонидан Президентликка илгари сурилганди. 2016 йилнинг 4 декабрь куни ўтказилган Президентлик сайловида 88,61 фоиз овоз билан Ўзбекистон Республикаси Президенти этиб сайланган эди. Ҳурматли Юртбошимиз ўз лавозимларидаги ваколатларига 2016 йилнинг 14 декабрь куни киришганлар.

Шавкат Миромонович Мирзиёев кўп йиллик меҳнатлари учун “Меҳнат шуҳрати” ва “Фидокорона хизматлари учун” орденлари билан мукофотланганлар.