Рамзан Қодировнинг Ўзбекистонга ташрифи. Биринчи кун қандай ўтди?

У ташрифи давомида Шайх Муҳаммад Содиқ Муҳаммад Юсуф қабрини зиёрат қилди.



Сўнгра у Тошкент Ислом институти талабалари билан учрашди. Институт ректори меҳмонларга таълим муассасаси фаолияти ҳақида гапириб берди. Нуфузли меҳмон институтнинг бино, масжид хонақоҳи ва АРМларини кўрди. Меҳмонлар китобига ўз ёзувларини қолдирди. Учрашув сўнггида меҳмонлар ва йиғилганлар эсдалик учун суратга тушишди.



Кейин эса у мамлакатимиз раҳбари Шавкат Мирзиёев қабулида бўлди. Суҳбат чоғида Ўзбекистон ва Чеченистон ўртасидаги икки томонлама ҳамкорликни янада ривожлантириш истиқболлари муҳокама қилинди. Ўзаро савдо ҳажми ва номенклатурасини кенгайтириш, иқтисодий, маданий-гуманитар соҳаларда қўшма дастур ва лойиҳаларни амалга ошириш масалаларига алоҳида эътибор қаратилди.

Ўз ўрнида у мазкур ташрифни ташкил этгани учун Шавкат Мирзиёевга миннатдорчилик билдирди.



Ўзбекистонда амалий ташриф билан бўлиб турган Чеченистон раҳбари Рамзан Қодиров Самарқанд ва Бухорода ҳам бўлиши кутилмоқда.

Daryo.uz сайти маълумотлари асосида тайёрланди