03 фев 10:06
Янгиликлар

Бокс/ММА

Расман: 19-0 рекордига эга Мовсар Евлоев Наврўз куни Лондонда жанг қилади + ПОСТЕР

Бу маълумотни UFC промоушени расман тасдиқлади.

Мовсар Евлоев (19-0) ва Лерон Мерфи ўртасидаги тўқнашув 21 март куни Лондонда ўтказиладиган UFC Fight Night 270 турнирининг асосий жангига айланади.

31 ёшли Мовсар ярим енгил вазн тоифаси UFC рейтингида биринчи ўринни эгаллаб турибди. У ўзининг сўнгги жангини 2024 йилнинг декабрь ойида ўтказган ва ҳакамларнинг якдил қарори билан Алжамейн Стерлинг устидан ғалаба қозонганди. Бунгача у Арнолд Аллен, Диего Лопес ва Дэн Игени ҳам мағлуб этган. Унинг UFC’даги барча ғалабалари ҳакамлар қарори билан қўлга киритилган.

34 ёшли Лерон Мерфи (17-0-1) эса 2025 йилнинг августида ўтган UFC 319 турнирида Аарон Пико устидан ғалаба қозонган эди. Бунгача у Жош Эммет, Дэн Иге ва Эдсон Барбосани мағлуб этган.