22 сен 11:51
Янгиликлар

Бокс/ММА

Расман. Фьюри ва Уайлдер жанг шартномасига имзо чекишди

Ниҳоят, профессионал бокснинг супероғир вазн тоифасида анчадан бери кутилаётган чемпионлик жанги ўтказиладиган бўлди.

Энг нуфузли ҳисобланган WBC йўналиши чемпиони, америкалик енгилмас боксчи Деонтей Уайлдер (40-0, 39 КО) собиқ жаҳон чемпиони британиялик Тайсон Фьюрига қарши рингга кўтарилади. Боксчилар жанг шартномасига расман имзо чекишди.

Маълумотда келтирилишча, чемпионлик жанги 1 декабрь куни бўлиб ўтади. Ушбу бокс оқшомини Американинг дунёга машҳур Showtime телеканали пулли тизим асосида трансляция қилади.

Ҳозирча жанг манзили бўйича аниқ бир тўхтамга келинмади. Катта эҳтимол билан жанг Лос-Анжелесдаги Staples Center ёки Лас-Вегас шаҳридаги Mandalay Bay Events Center аренасида ўтказилади.