11 июн 11:22
Янгиликлар

Бокс/ММА

Расман. Гассиевнинг супероғир вазндаги илк жанги ва рақиби тасдиқланди

Профессионал бокснинг биринчи оғир вазн тоифасида собиқ жаҳон чемпиони Мурат Гассиев супероғир вазндаги дебют жангини ўтказади.

Россиялик боксчи 27 июль куни АҚШнинг Техас штати Арлингтон шаҳрида рингга кўтарилади. Шимолий осетиялик боксчининг рақиби асли келиб чиқиши польшалик, ҳозирда АҚШ шарафини ҳимоя қилаётган Жоуи Давейко бўлади. Бу ҳақда Гассиевнинг промоутери Эдди Хирн “Твиттер”даги саҳифасида хабар берди.

Маълумот учун, 25 ёшли Мурат Гассиев профессионал рингда 27та жанг ўтказиб, 26та ғалабага эришган. Жангларнинг 19тасида рақибларини нокаутга учратган. Ягона мағлубиятини украиналик Александр Усикдан қабул қилиб олган.

Филадельфиялик 29 ёшли Жоуи Давейко эса проф рингда 30та жанг ўтказган. Ҳисобида 19та ғалаба (11та нокаут), 7та мағлубият бор. Яна 4та жангда дуранг натижа қайд этилган.