14 июн 08:25
Янгиликлар

Бокс/ММА

Расман: Жаред Каннонье рақамли турнирда октагонга чиқади + ПОСТЕР

Ўрта вазн тоифасида UFC чемпионлик камари учун собиқ даъвогар Жаред Канноньенинг навбатдаги жанги тафсилотлари маълум бўлди.

Аввал хабар берилганидек, америкалик аралаш яккакураш устаси UFC 319 турнири кардида жанг ўтказади. Каннонье яримўрта вазн рейтингида 15-ўринни эгаллаб турган британиялик Майкл Пейжга қарши октагонга чиқади. Рақамланган UFC 319 турнири 17 август куни АҚШнинг Иллинойс штати Чикаго шаҳрида бўлиб ўтади. Уларнинг жанги ўрта вазнда ўтказилади.

Маълумот учун, Жаред сўнгги жангида Лас-Вегасда ўтган UFC Fight Night 251 турнирида бразилиялик Грегори Родригесга қарши октагонга чиқиб, рақибини тўртинчи раундда техник нокаутга учратганди. Пейж эса Ар-Риёд мезбонлик қилган UFC Fight Night 250 турнири доирасида россиялик Шара Буллет номи билан танилган Шарабутдин Магомедовни ҳакамларнинг якдил қарори эвазига мағлуб этган эди.