15 сен 08:12
Янгиликлар

Бокс/ММА

Расман. Ковалёв-Альварес 2 жанги тасдиқланди, реванш бўлади

Профессионал бокснинг ярим оғир вазн тоифасида собиқ жаҳон чемпиони Сергей Ковалёв ҳамда WBO чемпиони Элейдер Альварес ўртасидаги реванш жангининг ўтказилиши расман таслиқланди.

Ушбу реванш жанги 2019 йилнинг бошида ўтказилади. Шу кунларда жанг санаси ва манзилига ойдинлик киритилади. Бир нарса аниқки, ҳар икки томон реванш жангининг ўтказилишига розилик берган.

Эслатиб ўтамиз, Альварес шу йили ўтказилган илк жангда россиялик боксчини техник нокаутга учратиб, рақибининг чемпионлик камарини тортиб олганди. Реванш жангини Американинг ESPN телеканали трансляция қилади. Айни пайтда Ковалёв ҳамюртимиз Аброр Турсунпўлатов қўл остида жангга тайёргарлик кўрмоқда.