Расман. Макгрегор UFCга қайтганлигини эълон қилди

Ирландиялик жангчи ўз чемпионлик камарини қайтариб олиш учун астойдил ишга киришганини айтган.

“Мен қайтдим”,- дея ўзининг Twitter саҳифасида қисқа хабар қолдирган Макгрегор.

Эслатиб ўтамиз, Макгрегор 2016 йилнинг ноябридан бери октагонда жанг ўтказмаётган эди. Ўшанда у Эдди Альваресни мағлубиятга учратиб, UFC чемпионлик камарини қўлга киритганди. Шу йилнинг бошида UFC ташкилоти Конорни чемпионлик камаридан маҳрум қилиб, унвонни Хабиб Нурмагомедовга топширишганди.

Катта эҳтимол билан шу йилнинг сўнгги ойларида Нурмагомедов ва Макгрегор ўртасидаги чемпионлик жанги ташкил этилади. Ушбу жуфтлик ғолиби кейинчалик америкалик Дастин Порьега қарши октагонга чиқади.