Равшан Ҳайдаров кечаги ғалабадан кейин нималар деди?

Мазкур баҳс 2:0 ҳисобида якун топди. Учрашувдан сўнг жамоамиз бош мураббийи Равшан Ҳайдаров қуйидаги фикрларни билдирди: 

- "Ҳаво жуда иссиқ бўлишига қарамай, шогирдларим характер кўрсатишди. Бу ўйинда биз ўйланган тактика эвазига зафар қучдик. Бугун куч жиҳатдан бир-бирига яқин жамоалар кураш олиб борди. Ҳимояда хатога йўл қўймаганимиз сабабли гол ўтказмадик. Ўйиннинг бошидан охиригача назоратни ўз қўлимизда ушлаб турдик. Осиё чемпионатига йўлланмани қўлга киритганимиздан хурсандмиз. Энди бу ғалабани ўз мухлисларимиз билан нишонлаймиз".

Ўз навбатида БАА U-22 терма жамоаси бош мураббийи Ҳассан Ал Абдули ҳам ўйин борасидаги фикрларини айтиб ўтди: 

- "Бизда ўйиндан олдин ғалабага бўлган ишонч юқори эди, ҳатто дуранг ҳақида умуман ўйламагандик. Биринчи таймда ҳужумкор футбол намойиш эта олмадик. Шу боис иккинчи бўлимда ниманидир ўзгартиришга ҳаракат қилдик. Аммо рақиб бизга қараганда яхши ўйнади ва ўз ўйинимиз кўрсатиш имконини бермади. Қолаверса, ўзбекистонлик футболчилар жисмоний ва тактик томондан кучли кўринди. Ўзбеклар мураббийси турнир аввалида айтиб ўтганди: "Биз 20га яқин ўртоқлик учрашуви ўтказдик, бу жамоа икки йилдан бери бирга ўйнаяпти" деб. Лекин бизнинг жамоа йиғилганига энди 37 кун бўлди. Албатта, бу ҳам ўз таъсирини кўрсатди, лекин мағлубиятга баҳона бўла олмайди".