"Реал Сосьедад"нинг собиқ футболчиси Самарқандга ташриф буюрди

Мадриднинг "Атлетико"си билан U13 ва U14 ўртасида чемпионликни қўлга киритган мураббий Самарқандга ташриф давомида Ўзбекистоннинг тарихий обидалари билан яқиндан танишди. Айниқса, ота-боболаримиз томонидан бунёд этилган, бутун дунё тарихчиларининг диққат марказида бўлиб келаётган Регистонга ташриф уни ҳайратга солди.

"Динамо"да иш йўқми дея ҳазиллашиб, ўзини Самарқандда қолиш ихтиёри борлигини жилмайиб айтган Кико кечга яқин, "Умид" болалар футбол жамоасида мастер класс ўтказди. Жамоа мураббийи Умид Хатамов билан ташкил қилинган тадбирда шаҳарнинг БЎСМ-2 клуби ҳам қатнашди. Тадбир давомида, вилоят ФФ биринчи  Вице-президенти, Шуҳрат Сайфуллаев. Вилоят Болалар спортини ривожлантириш жамғармаси раҳбари, ҳамда БЎСМ-2 директори, Беҳзод Пўлатов ҳам иштирок этдилар.

"Очиғини айтаман, Самарқандни бундай гўзал шаҳар деб ўйламаган эдим. Тарихий киноларда бир-икки оғиз Самарқанд номини тилга олиб кетишларини кўрганман. Аммо уни ўз кўзим билан кўриш жуда бошқача бўлди. Ўзбекистонда болалар футболини ривожлантириш каби маъсулиятли ишда мен ҳам қатнашаётганимдан хурсандман", - дейди Кико Зунига.