04 апр 07:06
Янгиликлар
Футбол
“Реал” Зидан қўл остида илк мағлубиятини қарши олди
Испания чемпионатининг 30-турида “Реал” сафарда “Валенсия” меҳмони бўлди.
“Месталья” стадионида кечган ўйинда майдон эгалари 2:1 ҳисобида зафар қучишди. Учрашувнинг 35-дақиқасида Гонсалу Гуэдеш яқин бурчакни аниқ нишонга олиб ҳисобни очган бўлса, 83-дақиқада Эсекьел Гарай бурчакдан узатилган тўпни боши билан Навас қўриқлаётган дарвоза тўрига йўллади - 2:0.
Ўйиннинг ҳакам томонидан қўшиб берилган дақиқаларининг сўнгги сонияларида Карим Бензема орадаги фарқни қисқартирди - 2:1.
Ушбу ғалабадан кейин “Валенсия” 46 очко билан турнир жадвалининг 5-поғонасига кўтарилди. “Реал” эса 57 очко билан 3-поғонада бормоқда. Турнир жадвалида эса айни пайтда “Барселона” пешқадамлик қилмоқда.
Ҳавола :
Фикрлар