21 май 08:28
Янгиликлар

Теннис

Рим “Мастерс”. Надаль фаолиятидаги 78-совринини қўлга киритди

Италиянинг Рим шаҳрида ўтказилган “Мастерс” сериясига кирувчи нуфузли турнир якунланди.

Ҳал қилувчи учрашувда финалга қадар дунёнинг иккинчи ракеткаси бўлиб турган испаниялик Рафаэль Надаль ATP рейтингида учинчи поғонадан жой олиб турган германиялик Александр Зверевга қарши кортга чиқди. Икки соату 9 дақиқа давом этган учрашувда Надаль 6:1, 1:6, 6:3 ҳисобида зафар қучди.

Шу тариқа, Рафаэль Надаль фаолиятидаги 78-совринини қўлга киритди. Римдаги муваффақиятли иштирок испаниялик юлдузга 935 385 евро мукофот пули ҳамда 1000 рейтинг очкосини келтирди. Надаль ва Зверев ўртасидаги ўзаро учрашувлар ҳисоби 5:0га етди.