15 май 13:45
Янгиликлар

Теннис

Рим "Мастерс". Стефанос Циципас бош соврин учун кортга чиқади

Италиянинг Рим шаҳрида ўтказилаётган "Мастерс" сериясига кирувчи нуфузли теннис турнири бугун якунига етади.

Иккинчи ярим финал учрашувида ATP рейтингида бешинчи ўринни эгаллаб турган Стефанос Циципас дунёнинг учинчи ракеткаси, германиялик Александр Зверевдан 4/6, 6/3, 6/3 ҳисобида устун келди.

Теннисчилар кортда 150 дақиқа ҳаракат қилишган. Грециялик 23 ёшли теннисчи 3 та, 25 ёшли Зверев эса 5 та эйс зарбасини ижро этган. Теннисчиларнинг ўзаро учрашувларидаги ҳисоб Стефанос фойдасига йириклашди - 7:4.

Бугун Рим "Мастерс" турнири бош соврини учун Циципас дунёнинг биринчи ракеткаси, сербиялик Новак Жоковичга қарши кортга чиқади.