28 янв 17:09
Янгиликлар
Теннис
Рожер Федерер 96-соврини, 4 млн доллар ҳамда 2000 очкога эга бўлди
Хабар берганимиздек, бундан бир неча дақиқа аввал швейцариялик теннис юлдузи Рожер Федерер Australian Open мусобақаси ғолибига айланганди.
Бугун 36 ёшли Федерер “Катта Дубулға” туркумига кирувчи турнирлардаги ўзининг 20-титулига эга чиқди. Умумий қўлга киритган совринлари эса 96тага етди.
Австралия Очиқ чемпионатидаги икки ҳафталик муваффақиятли иштирок Рожерга 4 миллион АҚШ доллари миқдоридаги мукофот пули ҳамда роппа-роса 2000 рейтинг очкосини тақдим этди.
Швейцариялик теннисчи фаолиятида давомида 8 марта
Уимблдон, 6 маротаба Australian Open, 5 бор US Open ҳамда бир марта Ролан
Гаррос турнирида бош мукофотни қўлга киритган.
Рожер “Катта Дубулға” туркумига кирувчи турнирларда энг кўп бош совринни қўлга киритган теннисчи ҳисобланади. Унинг ҳисобида 20та титул бор. Иккинчи ўриндаги Рафаэль Надаль 16, афсонавий Пит Сампрасда 14та титул бор.
Ҳавола :
Манба : olamsport.com
Фикрлар