"Ролан Гаррос". Дарья Касаткинанинг юриши давом этади

Дунёнинг 20-ракеткаси Дарья Касаткина Франция Очиқ чемпионатининг тўртинчи даврасида рейтингда ўзидан 10 поғона қуйида бораётган италиялик Камила Жоржини икки сетда ҳам бир хил ҳисобда мағлуб этди - 6/2, 6/2. 

Саксон бир дақиқа давом этган баҳсда 25 ёшли Касаткина 2 та эйс, 4 та брейк-пойнтни амалга ошириб, 3 та қўшхатога йўл қўйди. Теннисчиларнинг ўзаро учрашувлари Дарья иккинчи ғалабасини қўлга киритди - 2:0. French Open 1/4 финалида мухлислар россия дербисига гувоҳ бўлишади: Дарья Касаткина - Вероника Кудерметова.