“Ролан Гаррос”. Ҳамюртимиз асосий тўр баҳсида ҳам ғалабага эришди

Хабар берганимиздек, ушбу нуфузли мусобақада ҳамюртимиз Сергей Фомин ҳам иштирок этяпти. Фомин мусобақадаги иштирокини саралаш баҳсларидан бошлади. У аввалига япониялик Таисеи Ичикавани 3 соату 7 дақиқа давом этган учрашувда 6/7(4-7), 7/6(7-0), 7/6(7-4) ҳисобида мағлуб этди. Кейин эса франциялик Максенс Беждан устун келди. 

Кеча ўзбекистонлик теннисчи асосий тўрнинг илк учрашувида чехиялик Ондрей Стилерга қарши кортга чиқди. Бир соату 55 дақиқа давом этган баҳсда 17 ёшли Фомин 18 ёшли рақибини 6/2, 3/6, 6/4 хисобида енгди. Энди Сергей иккинчи даврада америкалик Тристан Боэрга қарши баҳс олиб боради. 

Таққослаш учун, Фомин ўсмирлар (U-18) рейтингида 57, Стилер 59, АҚШ вакили ҳисобланган Боэр эса 9-ўринни эгаллаб турибди. Фомин - Боэр учрашуви эртага, 5 июнь куни ўтказилади. 

Шунингдек, бугун ҳамюртимиз жуфтлик бахсларида хам курашга киришади. Хитойлик Тао Му билан жуфтлик ҳосил қилган Фомин аргентиналик Диас/Тиранте жуфтлигига қарши кортга чиқади. Ушбу учрашув бугун Тошкент вақти билан соат 20:00да бошланади.