01 июн 19:20
Янгиликлар

Теннис

"Ролан Гаррос". Касаткина рус дербисида 1/2 финал чиптасини қўлга киритди

Франциянинг Париж шаҳрида ўтказилаётган теннис бўйича "Катта Дубулға" туркумига кирувчи "Ролан Гаррос" турнири ўзининг ҳал қилувчи палласига кирди.

Аёллар ўртасидаги баҳсларда ярим финалнинг яна бир иштирокчиси маълум бўлди. Дунёнинг 20-ракеткаси бўлиб турган россиялик Дарья Касаткина чорак финал учрашувида WTA рейтингида 29-поғонадан жой олган ватандоши Вероника Кудерметовага қарши баҳс олиб борди.

Бир юз йигирма беш дақиқа давом этган ўзига хос рус дербисида Касаткина 6/4, 7/6(5) ҳисобида ғалаба қозониб, ярим финалга йўл олди. 25 ёшли Дарья ўзаро учрашувларда иккинчи ғалабасини қўлга киритди - 2:0. Унинг French Open 1/2 финалидаги рақибаси польшалик Ига Свёнтек ёки америкалик Жессика Пегула бўлади.