03 июн 11:18
Янгиликлар

Теннис

“Ролан Гаррос”. Кербернинг юриши давом этади

Шу кунларда Париж шаҳрида теннис бўйича “Катта Дубулға” туркумига кирувчи “Ролан Гаррос” турнири давом этмоқда.

Дунёнинг собиқ биринчи ракеткаси Анжелик Кербер тўртинчи давра иштирокчисига айланди. Германиялик теннисчи учинчи давра баҳсида голландиялик Кики Бертенсга қарши кортга чиқди.

Бир соату 52 дақиқа давом этган учрашувда дунёнинг 12-ракеткаси бўлиб турган 30 ёшли Кербер WTA рейтингида 22-поғонадан жой олган 26 яшар Бертенсдан икки сетда ҳам тай-брекларда бир хил 7:6(4), 7:6(4) ҳисобида устун келди. Энди Анжелик франциялик Каролин Гарсияга қарши баҳс олиб боради.