28 май 07:24
Янгиликлар
Теннис
"Ролан Гаррос". Новак Жокович чемпионлик ҳимоясида давом этади
Франция пойтахти Париж шаҳрида давом этаётган мавсумнинг иккинчи "Катта Дубулға" турнирида учинчи давра ўйинлари бошланди.
Сайёрамизнинг биринчи ракеткаси Новак Жокович турнирнинг учинчи даврасида жаҳоннинг 195-ракеткаси, словениялик Аляж Беденега қарши кортга чиқди.
Бир соату 46 дақиқа давом этган учрашувда 35 ёшли Жокович рақибини 6/3, 6/3, 6/2 ҳисобида мағлуб этиб, турнирнинг 1/8 финалига йўл олди.
Учрашув давомида сербиялик тенисчи 9 та эйс, 5 та брейк ва битта қўшхато қайд этди. 32 ёшли словениялик эса 4 та эйс ва 1 та брейкни амалга ошириб, икки бор қўшхатога йўл қўйди. Ўзаро учрашувларида ҳисоб Жокович фойдасига янада йириклашди - 4:0.
Энди Жокович Франция Очиқ чемпионатининг 1/8 финалида аргентиналик Диего Шварцманга қарши баҳс олиб боради.
Ҳавола :
Манба : gotennis
Фикрлар