"Ролан Гаррос". Новак Жокович иккинчи даврада кортга чиқди

Сербиялик теннис юлдузи ATP рейтингида 38-ўринни эгаллаб турган словакиялик Алекс Молчанга қарши баҳс олиб борди ва 6/2, 6/3, 7/6(4) ҳисобида ғалаба қозонди.

Икки соату 18 дақиқа давом этган баҳсда 35 ёшли Новак 4 та брейк ва 10 та эйс зарбасини амалга ошириб, битта ҳам қўшхатога йўл қўймади. 24 ёшли Алекс эса 1 та брейк-пойнт, 4 та эйс ва 2 та қўшхато қайд этди. 

Теннисчиларнинг ўзаро иккинчи учрашувида ҳам серб ғалаба қозонди. Энди у 1/16 финалда словениялик Альяж Беденега қарши кортга чиқади. Бедене ўз ўрнида уругвайлик Пабло Куэвасдан устун келди - 4/6, 6/4, 7/6(5), 6/4.