Ролан Гаррос (WTA): Халеп ва Остапенко финалда!

Хотин-қиз теннисчилар ўртасидаги мусобақанинг яккалик баҳсларида ярим финал учрашувлари ўтказилиб, бош мукофот учун кортга чиқадиган ракетка усталари номи маълум бўлди.

Ҳар икки ярим финал баҳси ҳам кутилмаган натижа билан якунланди. Турнирнинг иккинчи ракеткаси бўлган чехиялик Каролина Плишкова руминиялик Симона Халепга 4:6, 6:3, 3:6 ҳисобида имкониятни бой бериб қўйди.

Мусобақа кашфиётига айланган латвиялик Елена Остапенко эса швейцариялик Тимеа Бачинскидан 7:6(4), 3:6, 6:3 ҳисобида устун келди. Остапенко “Катта Дубулға” туркумига кирувчи турнирларнинг ярим финалида ўйнаган илк латвиялик теннисчига ҳам айланди.  

1/2 финал:

Елена Остапенко (Латвия) – Тимеа Бачински (Швейцария, 30) – 7:6 (4), 3:6, 6:3

Симона Халеп (Руминия, 3) – Каролина Плишкова (Чехия, 2) – 6:4, 3:6, 6:3